حضرت بابا ُبلھے شاہ سرکار کا کلام

[-=kamal=-]

great not you ,bulla sha is great

[Papu]

[Papu]

[Papu]

[righme]

[Papu]

بُلّھا! کِیہ جاناں میں کون؟

نہ مَیں مومن وِچ مسِیتاں
نہ مَیں وِچ کُفَر دِی رِیت آں
نہ مَیں پاکاں وِچ، پلیت آں
نہ مَیں مُوسٰے، نہ فرعون

بُلّھا! کِیہ جاناں میں کون؟

نہ مَیں وِچ پَلِیتی پاکی
نہ وِچ شادی، نہ غمناکی
نہ مَیں آبی، نہ مَیں خاکی
نہ مَیں آتش، نہ مَیں پَون

بُلّھا! کِیہ جاناں میں کون؟

نہ مَیں بھیت مَذَب دا پایا
نہ مَیں آدم حوّا جایا
نہ کُجھ اپنا نام دھرایا
نہ وِچ بیٹھن، نہ وِچ بَھون

بُلّھا! کِیہ جاناں میں کون؟

اوّل آخر آپ نُوں جاناں
نہ کوئ دُوجا ہور ھچھاناں
مَیتھوں وَدھ نہ کوئ سیاناں
نُلّھا! اَوہ کھڑا ہے کَون

بُلّھا! کِیہ جاناں میں کون؟

کلام از حضرت بابا بلھے شاہ

[Papu]

[-=M_ADNAN=-]

اک نقطے و چ گل مکد ی اے

پھڑ نقطہ چھو ڑ حسا با ں نوں

چھڈ دو ز خ گو ر عذ ا با ں نو ں

کر صا ف د لےد یا ں خو ا با ں نو ں

گل ا یسے گھر و چ ڈھکد ی اے

اک نقطے وچ گل مکد ی ا ے

اینو یں متھا زمیں گھسا ئیدا

پا لیا محر ا ب و کھا ئید ا

پڑ ھ کلمہ لو ک ہسا ئیدا

پر دل اندر سمجھ نہ لیا ئیدا

کد ی بات سچی بھی لُکد ی اے

اک نقطے وچ گل مک دی اے

کئی حاجی بن بن آ ئے جی

گل نیلے جا مے پا ئے جی

حج ویچ ٹکے لے کھا ئے جی

بھلا ا ے گل کینہو ں بھا ئے جی

کد ی سچی گل وی لکد ی اے

اک نقطے و چ گل مکد ی اے

اک جنگل بحریں جاندے نیں

ا ک دانا روزے کھاندے نیں

بے سمجھ وجود تھکاندے نیں

گھر آون ہو کے ماندے نیں

اینویں چِلیاں وچ جند سُکد ی اے

ا ک نقطے و چ گل مکد ی اے

پھڑ مرشد عبد خدائی ہو

وچ مستی بے پروائی ہو

وچ دل دے خوب صفائی ہو

بُلھا بات سچی کدوں رُ کد ی اے

اک نقطے وچ گل مکد ی اے

(حضرت بابا بلھے شاہ)​

[-=M_ADNAN=-]

کدی آمل یار پیاریا

تیری واٹاں تو سرواریا​

چڑھ باغیں کوئل کوکدی

نت سوزا الم دے پھوکدی

مینو تتڑی کوں شام وساریا​

کدی آمل یار پیاریا

تیری واٹاں تو سرواریا​

بُلھا شوہ کدی گھر آوسی

میری بلدی بھاہ بجھاوسی

اوہدی واٹاں تو سر واریاں​

کدی آمل یار پیاریا


تیری واٹاں تو سرواریا

(حضرت بابا بلھے شاہ)​

[-=M_ADNAN=-]

عشق دی نوّیوں نوّیں بہار

جاں میں سبق عشق دا پڑھیا
مسجد کولوں جیوڑا ڈریا
ڈیرے جا ٹھاکر دے وڑیا
جتھے وجدے ناد ہَزار

عشق دی نوّیوں نوّیں بہار

جاں میں رَمز عشق دی پائی
مَینا طوطا مار گوائی
اندر باہر ہوئی صفائی
جِت وَل ویکھاں یارو یار

عشق دی نوّیوں نوّیں بہار

ہیر رانجھے دے ہو گئے میلے
بھُلّی مہر ڈھوڈیندی بیلے
رانجھا یار بُکّل وِچ کھیلے
مینوں سدھ رہی نہ سار

عشق دی نوّیوں نوّیں بہار

وید قرآناں پڑھ پڑھ تھکے
سجدے کردیاں گھس گئے متھے
نہ رب تیرتھ نہ رب مکّے
جس پایا تس نور اَنوار

عشق دی نوّیوں نوّیں بہار

پُھوک مصلّٰی بھن سٹ لوٹا
نہ پھڑ تسبیح عاصا سوٹا
عاشق کیہندے دے دے ہوکا
ترک حلالوں کھا مردار

عشق دی نوّیوں نوّیں بہار

عمر گوائی وچ مسیتی
اندر بھریا نال پلیتی
کدے نماز توحید نہ نیتی
ہن کی کرنائیں شور پُکار

عشق دی نوّیوں نوّیں بہار

عشق بُھلایا سجدہ تیرا
ہن کیوں اینویں پاویں جھیڑا
بلھا ہوندا چپ بتیرا
عشق کریندا مارو مار

عشق دی نوّیوں نوّیں بہار

Bulleh Shah
بلھے شاہ