Faqeeri Dera

[Shahid Geo]

Meri aankhein gareeb hain
Warna,
Is qadar qeemti nahi duniya

[Shahid Geo]

Zindagi khawaab dekhti hai
Magar, Zindagi Zindagi hai
Khawaab nahi.

[Shahid Geo]

Zindagi ko meri zaroorat thi
Aur main,
Mayassar nahi raha khud ko.

[Shahid Geo]

Main bataun farq
Naseh jo hai mujh mein aur tujh mein
Meri zindagi talatam, Teri zindagi kinara.

[Shahid Geo]

Meri raatein, Mera din
Khaak hain tere bin.

[Shahid Geo]

Ek ghari khareed ke
Haath mein keya bandh li,
Waqt peechay hi parr gaya mere.

[Shahid Geo]

Samnay hota hai par rad kar deta hai
Baaz auqaat
Yeh Aaina hadd kar deta hai.

[Shahid Geo]

Gardanein waar di gain, Khaalein
Utaar li gain, Ishq pukarta hi raha
Yaar nahi tou kuch nahi.

[Shahid Geo]

La haol bhi parha hum ne, dam bhi bohat phoonkay
Chooti na jaan phir bhi, kafir ishq tha mera

[Shahid Geo]

Yeh tou adha bhi nahi jis pe
Tarap uthay ho,
Tu ne tou dekha hi nahi mukamal
Hijr janaa!