Faqeeri Dera

[Shahid Geo]

Tu mere kaif ki duniya hai, Tu meri
Masti ka aalam
Paymana hun tou tera hun, May’khana hun
Tou tera hun.

[Shahid Geo]

Yeh tou woh dukh, Jo bataye hum ne
Ab woh socho, jo chupaye hon gay.

[Shahid Geo]

Woh meri khamoshi nahi sunta
Mujhse awaaz nahi di jati

[Shahid Geo]

Kaheen woh aa ke mita na dein intezar ka lutf
Kaheen qabool na ho jaay iltija meri.

[Shahid Geo]

Zameen Pe Chal Na Saka Aur Aasman Se Bhi Gaya
Katwa Ke Par Woh Parinda Uraan Se Bhi Gaya,
Bhoola Diya Tou Bhoolanay Ki Inteha Kar Di

Ab Main Us Shakhs Ke Wehm-o-Gumaan Se Bhi Gaya
Kisi Ke Haath Se Nikla Hua Woh Teer Hun Main,
Jo Hadaf Ko Chu Na Saka Aur Kamaan Se Bhi Gaya

Tabah Kar Gai Mujhe Pakay Makaan Ki Khwahish
Main Apnay Gaun Ke Kachay Makaan Se Bhi Gaya,
Paraai Aag Mein Kooda Tou Keya Mila Mujhko

Usay Bacha Bhi Na Saka Aur Apni Jaan Se Bhi Gaya.

[Shahid Geo]

Kuch bhi bacha na kehnay ko
Har baat ho gai,
Aao kaheen sharaab piyen raat ho gai.

[Shahid Geo]

Itni pila de aaj ke royen tou saqiya
Niklein humari aankh se aansu sharaab ke.

[Shahid Geo]

Zindagi ka yeh hunar bhi azmaana
Chahiye, Jung kisi apny se ho tou
Haar jana chahiye.

[Shahid Geo]

Majaal-e-tarq-e-mohabbat
Na ek baar hui,
Khayal-e-tarq-e-mohabbat tou
Kai baar aaya.

[Shahid Geo]

Lafzon ko tarteeb nahi de sakta main
Warna
Tumse gila bohat hai