شور ہے ہر طرف سحاب سحاب
ساقیا! ساقیا! شراب! شراب
آبِ حیواں کو مَے سے کیا نسبت!
پانی پانی ہے اور شراب شراب!
رند بخشے گئے قیامت میں
شیخ کہتا رہا حساب حساب
اک وہی مستِ با خبر نکلا
جس کو کہتے تھے سب خراب خراب
مجھ سے وجہِ گناہ جب پوچھی
سر جھکا کے کہا شباب شباب
جام گرنے لگا، تو بہکا شیخ
تھامنا ! تھامنا! کتاب! کتاب!
کب وہ آتا ہے سامنے کشفی
جس کی ہر اک ادا حجاب حجاب...!
نہ ہی رنگ دے نہ نکھار دے, مجھے مار دے
ابھی چاک سے تو اتار دے , مجھے مار دے
میں ہوں چاہتا تیرے نام سے رہیں نسبتیں
نہ تو تخت دے مجھے دار دے مجھے مار دے...
ھم تُم تمام شُد تو محبّت تمام شُد
حیرت کدہِ عشق سے ،
حیرت تمام شُد
ھکلا رھا تھا دیکھ کے ظلم و ستم کو مَیں
چیخا ھُوں اتنے زور سے ،
لُکنت تمام شُد
بیٹے نے میرے بعد وصیّت مری پڑھی
"اک خوابِ لامکاں پہ
وراثت تمام شُد"
للکارتا ھُوں چاروں طرف دشمنوں کو مَیں
نرغے میں گِھر گیا ھُوں
تو دھشت تمام شُد
دنیا ھزار سال سناتی رھے تو کیا
اک سانسِ آخری میں
حکایت تمام شُد
صدیاں گُزر گئی ھیں ترے انتظار میں
اے مرگِ ناگہاں !
مری طاقت تمام شُد
ایسا نہ ھو خدا سے جب اپنا حساب لُوں
تب یہ پتہ چلے
کہ قیامت تمام شُد
جاتا ھُوں دشمنوں کی طرف ڈھونڈنے اُسے
ھے شہرِ دوستاں میں
مروّت تمام شُد
اُس نے کہا کہ جا ! مَیں اُٹھا، اور دِیا بُجھا
جو رَہ گئی تھی باقی
وُہ عزّت تمام شُد
سائے پہ کیا غرور کرے کوئی دوستو
سُورج ھُوا غروب
تو قامت تمام شُد....!!!!!!
