For Oversease Pakistanis

[righme]

Bahar Ka Dhan Ata Jata Asal Khazana Ghar Mein Hai
Har Dhoop Mein Jo Mujhe Saya De Woh Sacha Saya Ghar Mein Hai

Pataal Ke Dukh Woh Kya Jane Jo Satah Pe Hain Milne Wale
Hain Aik Hawala Dost Mere Aur Aik Hawala Ghar Mein Hai

Kya Sawang Bhare Roti Ke Liye Izzat Ke Liye Shohrat Ke Liye
Suno Sham Hui Ab Ghar Ko Chalo Koi Shakhs Akela Ghar Mein Hai

Duniya Mein Khapaye Saal Kayee Akhir Mein Khulla Ehwaal Yehi
Woh Ghar Ka Ho Ya Bahar Ka Har Dukh Ka Madawa Ghar Mein Hai