Dikhai diye yun ke bekhud kiya ....

User avatar
+PAKISTANI+
Gold Contributor
Gold Contributor
Posts: 1310
Joined: 16 Jun 2013, 10:58 pm
Location: US
Contact:

Dikhai diye yun ke bekhud kiya ....

#1



Post by +PAKISTANI+ »

Faqeerana aae sadaa kar chale
Mian khush raho hum dua kar chale

Jo tujh bin na jeene ko kahte thay hum
So is ehd ko abb wafa kar chale

Koi na-umeedana karte nigah
So tum haum se munh bhi chhupa kar chale

Bohat aarzoo thi gali ki teri
So yaan se lahoo mein naha kar chale

Dikhai diye yun ke bekhud kiya
Humien aap se bhi juda kar chale

Jabin sajda karte hi karte gayi
Haq-e-bandgi hum ada kar chale

Prastash kiya taeen ke ai but tujhe
Nazar mein sabhon ki Khuda kar chale

Gayi umr dar band-e-fikr-e-ghazal,
So is fun ko aisa bada kar chale.

Kahien kya jo poochhe koi hum se Mir
Jahaan mein tum aae thay kya kar chale

Who is online

Users browsing this forum: No registered users and 165 guests